الرئيسية / اخبار وادنون / بلفقيه يرد في اول خروج اعلامي له بعد واقعة “الاستقالة الغامضة”

بلفقيه يرد في اول خروج اعلامي له بعد واقعة “الاستقالة الغامضة”

كلميم_الحدث:

خرج المستشار عبدالوهاب بلفقيه  بتصريح لجريدة “كود” الاخبارية للرد على على الخرجات المتتالية لرئيس جهة كلميم وادنون وهذا نص التصريح:

في حواره مع “كود” يتحدث الاتحادي عبد الوهاب بلفقيه زعيم المعارضة فمجلس جهة كلميم واد نون على ما تعيشه الجهة. على ما تم الاتفاق عليه مع مباركة بوعيدة المرشحة لرئاسة الجهة. طرحت عليه “كود” اسئلة كثيرة رفض الرد عليها فالوقت الحالي.

سألته “كود” عن تحفظه في الرد على اسئلة من حق الساكنة التي صوتت عليه في كلميم واد نون معرفتها ومن حق الرأي العام الوطني معرفتها ٬ فكان رد بلفقيه “مجلس واد نون يمر فظروف كثيرة. اتحفظ فتصريحات حتى تمر هذه المرحلة الدقيقة. اعرف ان من حق الرأي العام ان تطالع على ما يجري فالمجلس خصوصا في ظل اخبار عن مفاوضات ونقاشات وتنازلات ووو٬ لكنني اعتقد ان الفترة الحالية تحتاج الى التروي والى الحكمة”

وزادت سولاتو “كود” “علاش هاد الكلام لكبير جاوب علاش هاد التحفظ؟ فرد “هاد الشي غير فاطار الحفاظ على المصلحة العامة لساكمة الجهة. راه غادية تجي فترة يتم الرد على كل الاسئلة. اعطاء توضيحات على ما اثير ويثار. فهاد المرحلة بالضبط من اجل الصالح العام اتحفظ على التصريحات، ما بغيناش نمارسو ضغط بتصريحات اعلامية “.

بخصوص ما تم الاتفاق عليه مع الاغلبية ممثلة بالتجمعية مباركة بوعيدة قال بلفقيه ل”كو د” : “كاين توافق علي رئاسة المجلس اللي غادية تاخدها السيدة مباركة بوعيدة في اطار التوافق اللي حصل بيناتنا وكاين مكتب تم الاتفاق عليه”.

وهو بلفقيه واش غادي يترشح لشي منصب؟ رد زعيم معارضة الجهة “لا ارغب في اي منصب ولن اترشح لاي منصب وهاد الشي قلتو فالمرحلة السابقة”.

ولكن هاد الاتفاق دار بعد مفاوضات. وهنا كاين سؤال واش المفاوضات بدات نهار 13 ولا قبل منو؟ بلفقيه اكد ان المفاوضات كانت على مراحل. “بدات المفاوضات بداو حتى قبل اصدار قرار توقيف المجلس. الجهة اللي رعاتها حاولت ما امكن تقريب وجهات نظر. في تلك الفترة وللاسف٬ ما كانتش الظروف مناسبة. غادي يجي الوقت لشرح الاسباب” يقول بلفقيه ل”كود”.

فالمرحلة الثانية للتوفيق كانت مفاوضات اخرى. ما كانتش مباشرة. كانت الجهة المنظمة =وزارة الداخلية= تفاوض كل واحد بوحدو. ما نجحاتش لاسباب ما غاديش ندكرها دابا ولكن وقع فمرحلة موالية ان كانت مفاوضات مباشرة خارج الجهة المشرفة على المفاوضات. هاد الشي وقع نهاية السنة الماضية او بداية هاد السنة. يشرح بلفقيه ل”كود”.

واكد ل”كود” ان اول لقاء مباشر باشراف الجهة المشرفة علي المفاوضات كان يوم 8 مارس. اش وقع فهاد الاتفاق؟ مرة اخري بلفقيه يرد “هادي تفاصيل سيأتي الوقت للحديث على تفاصيلها”.

وعلاش تم الاتفاق اخيرا بالضبط؟ “ما اقوله هو اننا كمعارضة سنحترم بنود الاتفاق كلها. وعندنا سيفتح باب الترشيح سندعم السيدة مباركة بوعيدة =التجمع لالوطني للاحرار لرئاسة جهة كلميم واد نون”.

ودعا بلفقيه “كل الاطرف ان تلتزم بما تم الاتفاق عليه. ايلى كان شي حد كيتكلم على مصلحة المواطنين ومصلحة الجهة”. واش كيقصد عبد الرحيم بوعيدة الرئيس اللي تستقال وقال باللي ماشي هو اللي حط الاستقالة؟ ها كيفاش رد على “كود” “لا اقصد شخص بل هيئة بكاملها”. ارفض المزايدات بتصريحات صحافية. غادي نكون باللي ما كاين حتى حد عندو صكوك الغفران كيوزعو على شكون بغى. كيحدد شكون هما الشياطين وشكون هما الملائكة”

بخصوص التمثيلية فالمجلس ومن له الحق فالتدبير كرر فتصريحو ل”كود”لا نريد المزايدة وكنعرفو فالجهة كل واحد شكون هو. خاصنا نتحكمو للعقل. دابا كاين 39 عضو انتخبتهم الساكنة وقبلنا نتائج اقتراع رابع شتنبر. واخا راه معروف اش نو عطات ديك الصناديق وشكون جا اللول. حنا بغينا نتجنبو الشعبوية والعرقلة وبغينا نتجاوزو المرحلة. شخصيا امد يدي للجميع اللي بغى مصلحة الساكنة حنا معاه. اللي بغى يقاطع يقاطع. واشير واكرر انني ما ضد. باغيين نتجاوزو هاد المرحلة ونزيدو للقدام”

وختم فتصريحو ل”كود” باللي راه ساكت غير على مصلحة الساكنة “ايلى كنا ساكتين وسادين فمنا راه غير من اجل مصلحة الساكنة وتدبير المرجلة من اجل عقلاني. كنطلب من الجميع يلتزم كيف التازمات المعارضة”

شاهد أيضاً

تنبؤ زيدان بمستقبل كبير ينتظر حكيمي مع ريال مدريد

كلميم الحدث اشاد الفرنسي زين الدين زيدان، مدرب فريق ريال مدريد الإسباني، بالأداء الجيد الذي …

افتتاح قسم المستعجلات الجديد بالمستشفى العسكري بجهة كلميم واد نون

#كلميم_الحدث: افتتاح قسم المستعجلات الجديد بمعدات و تجهيزات و مرافق جديدة بالمستشفى العسكري الخامس بجهة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *